ماذا تفضل المقاعد القماش أو الجلد للسيارة

وعليكم السلام 

القماش او المخمل اشوفه افضل لانه مريح ولا يمسك الحرارة عكس الجلد اللي يشويك فالظهر ،،،،الجلد شكل وفخامه ولا يتوسخ اذا انكب عليه شي بس مشكلته يتقشرمع الوقت 

افضل الجلد بشرط وجود مظلة او مواقف تحت الارض مع نظام تبريد المراتب يكون الوضع لوز 

اما بوجود الشمس ماينفع بريال !

الجلد أفضل ولكن كوجهة نظر هو ممتاز لمن يقتني السيارة من الوكالة ويبيع بعد 3 سنوات ولديه مظلة في البيت وفي العمل

لأن الجلد مهما كانت جودته لابد ان يتشقق ويسخن في الاجواء الحارة

القماش افضل الجلد حلو بس يجيك بالصيف حار وبالشتاء بارد يصلح بالسياره اللي فيها تبريد وتسخين 

كلاً له مميزات وعيوب . . . .

القماش ميزته مايمسك الحرارة بالصيف اللي هو أكبر عيوب الجلد وميزته أنه أكثر كرف من الجلد

لكنه عيوبه إنه يمسك الغبار والأوساخ حتى لو أنت حريص على غسيل السيارة أو تغييره قماش المراتب كل فترة

وحريص على منع دخول الغبار فمع مرور الشهور راح يتراكم الغبار غصب وأي ضربة للمرتبة استمتع بالسافي طال عمرك هههههههههههههههههههه

العيب الثاني للقماش سبحان الله مع مرور الوقت مايعطي ريحة حلوة بداخل السيارة بسبب تراكم الغبار

هذا زين إن مامسكت الريحة العفنة أو ماء أو عصير مكبوب , فهنا فتضطر تستخدم الروائح والعطور بداخل السيارة

وهنا تجي ميزة الجلد وهي إن للجلد ريحة حلوة جداً وتطغى داخل السيارة على أي ريحة أخرى ,,

فأنت جرب وافتح باب سيارة مراتبها جلد وسيارة مراتبها قماش أو مخمل والله ياهو فرق

الجلد افخم لكن اهم شي يكون فيه مسامات نفس اللي فالصوره
https://www.google.com/search?q=%D9%83%D8%A7%D9%85%D8%B1%D9%8A+%D8%AC%D9%84%D8%AF+%D8%A8%D8%B1%D9%8A%D9%85%D9%8A&safe=active&tbm=isch&tbs=rimg:CfdYyVXhQq-8IjjUI_1FqF5eNWwYgKegS9MkNMKit0eine9D6NmQTApK5gmUunOcgr7nv7R98XTm7BHwKXe-JAJXF8CoSCdQj8WoXl41bEbDrrQ8gDMC-KhIJBiAp6BL0yQ0RlfeANXFG-1EqEgkwqK3R6Kd70BG9ap5IUZ7wLioSCfo2ZBMCkrmCESIKJnf8UM1TKhIJZS6c5yCvue8RxCHwn1qQAuUqEgntH3xdObsEfBFBsQYAqG0F9SoSCQpd74kAlcXwESIKJnf8UM1T&tbo=u&sa=X&ved=2ahUKEwin2MO265LjAhVNA2MBHZF7Dn0Q9C96BAgBEBs&biw=1920&bih=937&dpr=1#imgrc=y7QBW6iMwBSjdM:
مع المسامات مافيه اشكال مع الحراره ، اسهل في التنظيف من عيوبه تصير المرتبه اقسى ، يحتاج عنايه من كريمات ومرطبات للحفاظ عليه
المخمل عملي ومريح عيبه ينقصه الفخامه ويمسك الاوساخ

اناافضل الجلد 
ميزته انكب عصير او شاي عليه خذلك قماش وامسحه عكس المخمل او القماش لازم تشتري مواد تنظيف وتفرك فيه لين ينظف اوممكن يحتاج تدخله تلميع
عيوب الجلد اذا وقفت السياره فى الشمس سلخ جلدك وبعد فتره تبدا تلاحضرعليه شقوق  

الصراحه افضل القماش

اما الجلد

يبي لك حماية اولا تكون السيارة بمضلة
وتكون مضلل عازل لان بالصيف يكره في شئ اسمه سيارة

القماش افضل و اريح و ابرد

الجلد لانه يتنظف بسرعة وبخصوص التشققات خذلك فازلين وادهن الطبلون مثلا والمقاعد فيه لها زي الكريم يندهن عالمقاعد

وعليكم السلام
بالنسبة للجلوس حسب الشخص بعضهم يرتاح مع الجلد وبعضهم مع القماش
وتنظيف الجلد افضل واريح واسهل من القماش بكثيير اما القماش يجمع غبار عليك
طبعا الجلد يبقى حار في النهار واذا فيه بايكه تخف حرارته قليلا

طبعا عندي سيارتين قماش وسياره جلد

السيارات الفل اوبشن دائماً تجي جلد بما فيه السيارات الفارهة هذا يعني ان الجلد يبدو لي انه اجمل
و ليس بالضرورة يكون افضل

غريبه انك تحط صورة جلد متقطع حق موديل قديم 
وتحط مخمل سياره ماطلعتت من الوكاله 

تناقض غريب وانحياز واضح

الجلد بشرط وجود تبريد وتسخين ومظله للسيارة

افضل شئ المخمل سيارتي جلد وملبس مخمل

ميزتين فقط في الجلد هي الريحة تمسك طول عمر السيارة ماتروح وتنظيفه جدا سهل لو انكب عصير تنظفه وانت مرتاح

بصراحه الجلد لايعلى عليه حتى في الصيف الحراره ماهي ذاك الزود طالما الجلد اصلي وكاله
اما اذا كان من محلات الزينه حتى في عز الشتاء ماينفع

بصراحه الجلد لايعلا عليه حتى في الصيف الحراره ماهي ذاك الزود طالما الجلد اصلي وكاله
اما اذا كان من محلات الزينه حتى في عز الشتاء ماينفع